Sayta günlük 1500 istifadçi üçün tövsiyə və təklifləriniz…

E. Hacı

5

(10:30, 20/06/2011 ) #2822

Salam.
Pulsuz tərəfi üçün məsləhətlər.
1. Hər səhifədə gözəgəlimli yerə sosial paylaşım düymələri qoyun(facebook like, twitter tweet və.s.)
2. Saytı kataloqlarda və sayğac sistemlərindən 1-2sində qeydiyyatdan keçirin(məsələn kataloq.net, ilk10.az)

Ucuz başa gələn reklam
1. Facebook ads sisteminə reklam verin, cəlbedici mətnlər, reklamlar, bannerlər düzəldib 2-3 reklam kampaniyası düzəldin, reklamda ərazi olaraq Azərbaycanı seçin ki ancaq Azərbaycandan olan istifadəçilərə görünsün. Bir klikə təxminən ən azı 4-5 cent verməniz lazım olacaq, 1-2 cent versəniz reklam yayımlanmayacaq. Büdcənizə uyğun gündəlik xərc müəyyən edin: günə 3,4, 5$ və ya daha artıq.
2. Google Adwords sistemində reklam verin. Burada reklam bir qədər ucuzdur, 2-3 cent müəyyən etsəniz də reklam yayımlanacaq. Gündəlik büdcə 1$-dır minimum şərt.

Ümumiyyətlə belə işlərdən çox ucuz qurtulmaq bir qədər düzgün yanaşma deyil. Əgər sayt innovativ, yenilikçi məzmunlu deyilsə, sadəcə yeni xəbər saytıdırsa, deməli artıq xeyli ciddi rəqibi var və yüksəlmək elə də asan deyil. Ona görə də reklama bir az pul xərcləmək lazım olacaq.

Bir də həm pullu həm də pulsuz bölməsinə aid ola biləcək daha bir populyarlaşma növü bizim saytların tez-tez istifadə etdiyi SPAM məktublardır. Bunu isə sizə qətiyyən məsləhət görmürəm. Əgər saytın imicinin yüksək olmasını, hörmətli olması zəruridirsə, o halda birmənalı şəkildə spamdan qaçmaq lazım.