Kompüter təmiri kursları

E. Hacı

1

(15:24, 01/09/2016 ) #64894

piratlıq=oğurluq.
Dediyiniz =
“Əgər saatı tək özünüz taxacaqsızsa, dükandan onu oğurlamaqda bir problem görmürəm.”
“Əgər qoyunu tək kəsib yeyəcəksizsə, qəssabdan onu oğurlamaqda bir problem görmürəm.”
Mən özüm də proqram təminatı və modulların istehsalı, satışı ilə məşğulam, məndən də minlərlə manatlıq oğurluq edib piratlar. Dükanı yarılan satıcı nə hiss keçirirsə, hansısa bir forumda mənim pulla satdığımı pulsuz yükləməyə qoyduqlarını görəndə mən də o hissi keçirirəm. Çünki mülkümə təcavüz edilir, oğurluq edilir.

E. Hacı

0

(11:56, 02/09/2016 ) #64927

Əsla. Yenə nümunə çəkim.
Mağazadan tutalım televizor oğurlayıb işlətmək.
Mağazadan tutalım televizor oğurlayıb satmaq.
İkinci birincidən daha ağır formadır, düzdür, amma birinci də cinayətdir.

E. Hacı

0

(10:42, 03/09/2016 ) #64951

kopyası? bəlkə özünü satmaqdan danışaq o halda? televizoru, telefonu və.s. oğurlayıb satmaq. telefon oğrusu azdır, velosiped oğrusu azdır? kopyalamırlar ki, ya özləri istifadə edirlər, ya da satırlar. Onlar nə edirlərsə pirat proqram istifadə edənlər də eyni şeyi edirlər. Kimsə özünü təmizə çıxarmağa çalışmasın bu barədə, hər şeyi öz adı ilə çağırmaq lazımdır. Adam tanıyıram, deyir , hə bilirəm bu oğurluqdur, amma filan proqram çox bahadır deyə oğurluq etməyə məcbur oluram. Yəni adam yenə də heç olmasa etdiyini adı ilə çağırır, buna da şükür.

kopyaya gəldikdə isə bir kitab düşünün, 1 il gecə gündüz əziyyət çəkib yazmısız yaradıcılıq, araşdırma işləri. Nəhayət təqdimat edirsiniz, bir illik yuxusuz gecələrin bəhrəsi – satışa çıxarırsız ümidlə, 1-2 ədəd satılır, sabah eşidirsiz ki, bir işbaz alıb bir dənəsini kopyalayıb paylayır orda burda. 2-3 manatdan ötrü sizin 1 illik zəhmətinizi tapdayır keçir.

– belə görürəm ki, insanların əksəri öz üzərində hiss etmədikdə mülkiyyətə hörməti başa düşmürlər.

E. Hacı

0

(10:51, 05/09/2016 ) #64993

İşin ən əsas hissəsini qəbul etdiyinizi deyirsiniz, bu çox yaxşıdır. Amma sırf bu paylaşmaq hissədə israr edirsiniz.
Məhsulun sahibi müəyyən edir paylaşmaq/nüsxələmə tənzimlənməsini, biz yox.
Məhsul sizindirsə buna verə bilərsiz icazə. Ki fiziki və ya digitaldır fərq etməz – malı alan onu paylaşa bilər, nüsxələyib paylaşa bilər(digital məhsulda bu iki anlayış eynidir demək olar ki), modifikasiya edib sata bilər və.s.
Bunun üçün çox qəşəng lisenziya növləri var beynəlxalq səviyyədə, hansı ki bütün ağla gələn variantları tənzimləyir. Siz də malı satarkən elan edirsiz ki bu malı tutalım GPL lisenziyası ilə satıram, və ya Apache lisenziyası ilə satıram. Vəssalam, artıq o lisenziyanın hazır mətni sizin malın bütün paylaşma/modifikasiya və.s. hüquqlarını tənzim edir və müştəriyə öhdəlik qoyur.

Amma bütün bunlar sizin məhsula aiddir. Bizim olmayana necə ehkam kəsə bilərik buna ki bu olar bu olmaz? Axı bu hüquq bizim deyil.

Mən fiziki məhsulları sırf siz başa düşəsiniz deyə misal çəkdim, daha əyani nümunə kimi. Amma madam ki siz zatən bilirmişsiniz mahiyyəti, o zaman fiziki məhsulları unudaq, digitala qayıdaq sırf onun üzərində düşünək.

Siz deyən şeylərə yuxarıda cavab yazmışdım əksərən. Qısaca təkrar edim:
Pulla satılan məhsulu
paylaşmaq – 1 qəbahətdir
satmaq – 10 qəbahətdir.
Yəni hər ikisi qəbahətdir və normal ölkələrdə buna görə həbs düşür. Ya da ən yaxşı halda fantastik yüksək cərimə.

Tanış olmaq məqsədi ilə istifadə – bu başaldatmacadan başqa bir şey deyil. Bir iki dürüst adam bu məqsədlə pirat yükləyirsə, öz işidir, amma bu da qanunsuzdur və haqq qazandırmır. Zira, bunun üçün demo,trial deyilən bir şey var. Yəni bəhanəyə yer qalmır.

Autocad 800$-adır ya 5000$-ədir düzü dəqiq bilmirəm, bəli çox bahadır. Amma ondan yararlanmaq istəyən zəhmət çəkib almalıdır. Mənim Ferrari almağa pulum yoxdursa, onu oğurlamalı deyiləm, gedib zaporojye alıb sürə bilərəm(Autocadın da zaporojye səviyyədə pulsuz alternativləri var).