Sən gah animator olursan , gah da guya ki, proqramçı :)
Hə, dərsimi əla verdiz :D ..HTML və CSS'də Adətən özüm üçün lazım olan şeyləri idarə edərkən şüur altımda bilirəm kimi saxlanmışdı. Amma hətta adam bilsə də, "bilirəm" demək dərin anlayışdı. Deyərək tamamilə səhv elədim, bildirdiyiniz üçün təşəkkür)
Salam.
1. HTML və CSS-i bilirəm demək çox asandır. CSS çox geniş bir sahədir. Məsələn css transtition, keyframes, animation duration bilirsinizmi sərbəst şəkildə? Media query-lərlə sərbəst işləyə bilirsinizmi?
Və ya html-də çox vacib şeylərdən olan Viewport nədir?
Bir az içlərdən sual verdim ki önyarqını ləğv edəsiniz özünüzdə. Bilirəm demək asandır, bilmək çox çətindir.
2. PHP sintaksisi asan görünə bilən dildir, profesional php developer olmaq üçün hər gün çalışsanız belə bir neçə il vaxt lazımdır, şəxsən mənə görə 3 il vaxt lazımdır ən azı ha. Yəni çətinliyin miqyasinı yəqin ki təsəvvür etdiniz.
Məqsədim ruhdan salmaq deyil, əsla. Əksinə dərhal başlamaq lazımdır, amma ÖNYARQI olmadan. Asanmış, bilirəmmiş demədən.
Veb proqramlaşdırmada sərbəst işləmək üçün zamanın tələblərini təxmini deyim:
Backend səviyyədə proqramlaşdırma üçün:
PHP, PHP OOP, MySQL bilikləri vacibdir.
Sonra artıq Framework-lərə keçmək olar.(Laravel, Codeigniter və.s.)
Frontend səviyyədə proqramlaşdırma üçün:
HTML4(sadəcə HTML də deyirik), HTML5(müəyyən başlanğıc səviyyədə), JavaScript(ən çətini budur, illər laızmdır öyrənməyə, amma əvvəli asandır), CSS.
Sonra artıq Library və Framework-lərə keçmək olar(jQuery, Bootstrap, ZUPR Foundation və.s.)
İlk başlayan üçün isə ardıcıllıq belədir fikrimcə.
HTML, CSS, Javascript
PHP, MySQL.
Hər biri üçün w3schools.com kimi saytlarda sıfırdan dərslər var.
Bu dediyim mərhələni keçmək elə təsəvvür edin ki universitetə qəbul olmaq kimidir. Yəni vacib addımdır, amma universiteti hələ bitirmək var irəlidə.