Diskə fayl köçürtmək

Mehman Elxanoglu

1

(11:14, 01/11/2014 ) #48842

Faylları diskin içinə sürükləyib, atmaq hələ onları diskə yazmaq demək deyil. Sürükləyib atmaq hələ hazırlıq mərhələsidir, niyə?! Çünki, adətən DVD ya DVD-R olur, ya da DVD-RW… Əksər hallarda DVD-R olduğunu nəzərə alsaq, birdəfəyə sürükləyib atdığınız faylların da diskə yazıldığını nəzərə alsaq, məntiqə görə diskə ikinci dəfə sürükləyib fayl ata bilməyəcəksiniz, çünki, diskə artıq fayllar yazılıb və nəzərə alsaq ki, DVD-R (CD-R) cəmi bir dəfə nəsə yazmaq olur, hansı ki, sonradan silmək də olmur, onda ikinci dəfə sürüklənib atılan faylı yeni DVD (CD) diskinə yazmaq məcburiyyətində qalacaqsınız. Və yaxud deyək ki, birinci dəfə atdığınız fayllardan birini oradan çıxartmaq (silmək) istədiniz, əgər sürükləyib atmaq yazmaq olsaydı, onda həmin faylı silə də bilməyəcəkdiniz, çünki, DVD-R (CD-R) diskindən nəsə silmək imkansız kimi bir şeydir. Bu “paradoksallığı” aradan qaldırmaq üçün sürüklənib, atılan faylları sistem hələ hazırlıq mərhələsi kimi qəbul edir. Yazılım mərhələsi sonrakı mərhələdir, diskə yazmaq istədiyiniz faylların doğruluğuna tam əmin olduqdan sonra müvafiq əmrlər (“Seansı bitir” və ya oxşar əmr) vasitəsilə diskə faylları yaza bilərsiniz.