Delegate və Event (C#)

TogrulCeferli

2

(20:19, 18/03/2011 ) #2093

Salam. Belə başa düşdüm ki, siz class və object`in məntiqini başa düşə bilmirsiz. Əgər elədirsə onda bunu belə bir misalla başa salmağa çalışacam:
Məsələn “İnsanlar” deyəndə ağlımıza düşünən, danışan, öyrənən və s. bacarıqları olan bir canlı qrupu ağlıma gəlir. “Vəli” (və ya “Əli” 🙂 ) deyəndə mən mən yenə də düşünən, danışan, öyrənən və. bir canlı fikirləşirəm. Amma bütün “İnsanlar” eyni deyil, Əlinin özünə məxsus xüsusiyyətləri də ola bilər , məsələn, boyu, yaşı, bildiyi dillər və s. Burada biz “İnsanları” bir Class`a bənzədə bilərik. Əlini isə həmin “İnsanlar” sinfinə mənsub olan bir Obyekt (insan) olacaq.

C#`də class`ın yaradılması nümunəsi:

public class İnsanlar
{
    int boy;
    int yas;

    void danis(string soz)
    {
        //danis
        Console.WriteLine( soz );
    }
}

Obyekti tanıtmaq üçün isə aşağıdakı koddan istifadə etməlisiniz:

 İnsanlar Eli = new İnsanlar() 

gördüyünüz kimi əvvəl obyektin aid olduğu sinfin adını, sonra öz adını sonra =, sonra new sonra isə yenidən sinif adı və () yazırıq. (Bunun daha mürəkkəb formaları da var, hələlik bu bəs edər məncə)

Sonra yaratdığımız obyektin xüsusiyyətlərini dəyişə də bilərik, Məsələn əlinin boyu uzanacaq, Yaşı artacaq və s.
bu xüsusiyyətlərə çatmaq üçün nöqtə operatorundan istifadə etməliyik.

Əli.boy = 140;
Əli.yaş = 12;
 

Əlinin aid olduğu sinifdə (İnsanlar) danışmaq bacarığı var. Yəni Əli də danışa bilər. Aşağıdakı kodla Əliyə “Salam” dedizdirsək:

 Əli.danış("Salam"); 

Qeyd: yuxarıda yazdığım kodları olduğu kimi Visual C#`ə əlavə edib yoxlamağa çalışmayın. Çünki onları yalnız işləmə prinsipini başa salmaq üçün yazmışam, Compilerdən keirə bilməyə bilərsiniz.

Daha aydın başa düşmək üçün bir kitaba ya online resursa müraciət etsəniz yaxşı olar. Ümid edirəm bəzi şeyləri başa düşməkdə sizə kömək edə bildim.