Facebook səhifədən gəlir götürmək?

E. Hacı

4

(16:12, 25/11/2011 ) #4606

Bu yaxınlaradək hamı necə özünə əyləncə saytı açırdısa, indi də facebook səhifələrini eyni düşüncəli insanlar açır. Əmin ola bilərsiniz ki, onların böyük əksəri oradan 1 qəpik belə qazanmırlar. Məqsədlər müxtəlifdir, kimi özlüyündə çoxlu istifadəçisi olan səhifənin admini olub bununla qürrələnmək istəyir, kimi populıyar səhifəsi olduqdan sonra onu satmağı arzulayır və.s.

Facebook səhifələr təbii ki yuxarıda dediyim bekar işlərçün deyil, müxtəlif məqsədlərlə istifadə oluna bilər. O cümlədən də birbaşa olmasa da dolayı ciddi gəlir də gətirə bilər.
Ona görə də istənilən iri şirkətin, ciddi saytların, məşhur şəxsin facebookda ciddi dəstək olunan keyfiyyətli səhifələri var, onlar orada öz potensial müştərilərinə məlumat xidməti göstərib, müxtəlif maraqlı paylaşımları ilə əlavə reklam olunub qazanclarına qazanc qatırlar.