Android Marketdə pul qazanmaq

E. Hacı

3

(12:03, 27/01/2012 ) #7497

Salam. Pullu yox, pulsuz app yerləşdirdiyim olub ora. Bir dost da pullu app da yerləşdirib müəyyən miqdarda satış olub. Amma bilirsiniz, bazar hər yerdə bazardır, eyni qaydalarla idarə olunur. Bütün sadə ağla gələn proqramlar reallaşdırılıb və reallaşdırılır, bir nəfərin düzəltdiyi proqrama qarşılıq bir heyətin düzəltdiyi proqram əlbəttə daha zəngin olacaq, daha çox satılacaq. Ona görə də təkbaşına developerin uğur qazanma şansı çox azdır, bu ancaq əla, fərqli ideya olduqda mümkün ola bilər.
Digər şans isə lokalla bağlıdır, belə ki lokal bazara hesablanmış proqramlarla uğur qazanmaq şansı çox olub həmişə. Amma pis orasıdır ki bizim lokal bazar demək olar ki yoxdur, yəni Azərbaycanlı istifadəçilərə hesablanmış proqrm düzəltsəniz, satış çox aşağı olacaq, həm e-alıcılıq qabiliyyəti çox azdır, həm də istifadəçi sayı da çox deyil.
Bir sözlə nikbin gələcək üçün strategiya seçilməlidir. Məşhur olmasa da, gəlir gətirməsə də inaddan dönməyib yaxşı pulsuz app-lar düzəltmək portfolio yığmaq, zaman zaman heyət formalaşdırmaq lazımdır. Bunu edəndən sonra əlinizdə bazar haqda real praktiki biliklər də olacaq, təcrübə də heyət də, yəni olacaqsınız bazarın güclü oyunçusu. Ondan sonra həm pullu həm pulsuz applardan qazanacaqsınız.
Nümunə kimi deyim ki Rovio firması keçən il mən baxanda Android marketdəki pulsuz Angry Birds oyunlarından aya 1 milyon $ qazanırdı. Reklama olan kliklərdən. Appstore-də isə 1$-a satırdı və ona da keçən il baxmışdım, səhv etmirəmsə 100 milyon dəfə satılmışdı ümumən yaranandan. İndiki rəqəmlər daha yüksəkdir yəqin ki. Angry Birds kimi oyunlar heyət əməyinin nəticəsidir, 1 nəfərin işi deyil.