Nokia ne vaxt qayidir?

E. Hacı

1

(18:56, 09/11/2015 ) #59476

Hər igidin öz dövranı olur. Nokia telefonların padşahıdır yox, padşahı idi. Elop adlı Microsoftdan çıxıb gəlmə bir işbaz Androiddən ilk başdaca imtina etməklə ciddi strateji “səhvə” yol verdi və bununla da şirkətin bazar payı 2-3 il içində əriyib sıfıra yaxınlaşdı. Bu da keçmiş və gələcək Microsoftçu olan Elopun əslində uğuru idi, çünki bu agentin sayəsində Microsoft batmaqda olan Nokia Mobile bölməsini çox ucuza satın almış oldu. Elop da işini uğurla görüb qayıtdı Microsofta.
Nokia şirkəti hazırda mövcuddur, amma qeyri-telefon sahəsində. Telefon bölümünü və patentləri tamamilə Microsofta satıb. Bu bazara 2016dan qayıda bilər, amma tam yeni adlarla, tam yeni texnologiyalarla, sıfır patent ilə. Bu isə çox çətin olacaq, yəni tam sıfırdan başlayan bir Çin şirkətindən fərqi olmayacaq. Nəyi vardısa hamısının hüququ indi Microsoftdadır.
Qaldı ümumi tarixə nəzər salıb telefonların kralının belə vəziyyətə düşməsinə. Bu ilk də deyil son da deyil, çox olub belə taxtdan enmələr.
1. Motorola – Mobil telefon anlayışının atası olan şirkət. Yəni sizin təbircə desək ilk padşah. Hazırda Motorola olaraq mövcud deyil. Motorola şirkəti ABŞ-da var, amma tam başqa şeylər istehsal edir. Mobil telefon buraxan Motorola Mobility isə hazırda müstəqil olaraq mövcud deyil, sadəcə Lenovonun alt qollarından biri kimi yaşayır.
2. Ericsson – Bu marka da vaxtilə birinci yerdə idi. Amma göründüyü kimi indi artıq mobil bazarda yoxdur, payını Sony-yə satıb.
3. Siemens – Bir ara bu şirkət də birinci idi. Amma o da oxşar taleyi yaşadı, çökərək Benq şirkətinə satdı mobili. Amma ayrıca şirkət kimi indi də var və uğurlu bir şirkətdir.
4. Alcatel – Lider olmasa da, məşhur olduğu vaxtlar olub. İndi eyni ad altında Çinlilərə satılıb, yəni şirkət kimi Alcatel mobildən çoxdan ayrılır. O ad altında Çinlilər buraxır telefon.
5. Blackberry – Ciddi iş adamı smartfonu anlayışını gətirən və bir neçə il əvəzsiz lider olan şirkətin mobil qanadı hazırda tamamilə iflas ərəfəsindədir, çox güman ki bir il ərzində Blackberry də tarixə qovuşacaq.
6. Sony – Çox təəssüf ki, bu cür nəhəng şirkətin də mobil qanadı ciddi zərərlə işləyir deyə qarşıdakı yarım il son şansıdır Sony smartfonlarının. Özlərinin də dediyinə görə əgər 2016da da işlər indiki kimi getsə, şirkət mobilə əlvida deməli olacaq(Noutbuk sahəsinə əlvida dediyi kimi) və digər uğurlu işləri ilə məşğul olacaq(televizor,kamera,fotoaparat,elektronika avadanlıqları, play station və.s.)
Ona görə də Nokianın qayıtmağını gözləməkdənsə digər, aktual olan markalarla maraqlansanız yaxşı olar.