Valyutayla bağlı ideyama fikirləriniz maraqlı olardı

Salamlar.Əvvəla,çox güman,saytın adına uyğun sual vermirəm, amma köhnə suallardan valyutayla bağlı olanını gördüm,fikrimi ora yazmadım ki, onsuzda, köhnə sualdı, kimsə görməyəcək..Qısası, burda görürəm,valyutayla bağlı əməllicə bilgilər var, xahiş,ideyama da fikrinizi bildirəsiniz.. 🙂
——-
Deməli, şərti olaraq iki ölkə var:A ölkəsi və B ölkəsi.Onların hər ikisi neftdən asılıdı və neftin düşməsindən ikisi də əziyyət çəkir..Və neft də ona görə düşüb ki,neft çoxdur..Həmin anda A ölkəsiylə plan qurub B ilə razılaşır ki, “bəs,ay B ölkəsi,neft çoxdu deyə,qiyməti də azdı.Gəl, belə eliyək, mən bir ay neftimi çıxardıram, amma satmıram,həmin müddətdə neft azaldığına, bahalaşır, sən rahatca baha satırsan.2ci aydan isə, sən 1 aylıq satışı dayandırırsan,mən isə o birisi aydan yığılmış neftimi və təzə neftimi baha satıram.Gələn ay mən dayanıram, onda sən, mən və s.” fikriniz önəmlidi, ən azından, nəyi səhv düşündüyümü deyin..Qabaqcadan çox sağ olun, yenə də bağışlayın..

Verilmiş cavablar və yazılan şərhlər (13 cavab var)

E. Hacı

(09:00, 27/01/2016 ) #61155

Salam. Sual maraqlıdır. İzah edim niyə bu mümkün deyil.
1. Mərkəzləşmə problemi. Sizin bu ideyanız 20-ci əsrin ortalarından sonra neft çıxaran ölkələrin ağlına gəlmişdi. Və nəticədə onların əksəri birləşib OPEC adlı təşkilat yaratdılar. Hazırda da dünyada neft barədə ən çox söz sahibi olan qurum odur. Amma bu da yetmir gördüyünüz kimi. Niyə? Çünki birincisi heç də bütün neft ölkələri bu təşkilata üzv deyil(Rusiya, Azərbaycan və.s.) İkincisi də çünki üzvlərin özləri arasında ciddi ziddiyyətlər mövcuddur. Biri kasıbdır, biri varlı. Biri neft çıxarmadan 10 il yaşaya bilərsə, o biri bir ay da yaşa bilməz. Və deməli fasilə vermək ona sərf etməz və.s. Yəni maraqlar və reallıqlar imkan vermir təşkilat ürəyi istəyən kimi yürütsün bazara çıxan neft miqdarını.
2. Ölkələrin öz aralarındalı münasibəti. Neft çıxaran ölkələr içində xeyli cütlər var ki bir birinə qatı düşməndirlər. Qatı düşməninsə hansısa mövzuda bir araya gəlməsi çətin məsələdir. Yəni biri tutalım bazara çıxan neftin miqdarını kəskin aşağı salsa, o biri bunu fürsət bilib əliboş qalan müştərilərlə anlaşacaq və daha çox neft satacaq. Nəticədə nə olacaq? Bəli neftin qiymətini qaldırmaqçün neft satmağı dayandıran ölkə Əli aşından da olacaq, Vəli aşından da. Planı da alınmayacaq, üstəlik müştərisini də düşmənə bağışlamış olacaq.
Ona görə də neft ölkələrinin birləşib düz əməlli qərara gəlmələri hazırda mümkün görünmür.
3. Siyasi məsələ: Soruşmaq lazımdır ki, neft çıxaran ölkələrin hamısı istəyirmi ki neft qalxsın? Ola bilərmi ki ən böyük və varlı neft ölkələrindən bəziləri hansısa rəqiblərini müflis etmək üçün neftin qiymətinin aşağı olmasında maraqlıdır? Bəli, ola bilər.

Bir sözlə, siyasi müstəvidə bu iş həll olsa, yəni qaldırmaq niyyəti olsa əsas güclərin, o halda biz danışdığımız sadə yolla yox, qismən hissə-hissə müvəqqəti azaltmalar ilə filan Səudiyyə və onun liderlik etdiyi OPEC nefti bahalaşdıra bilərlər. Əvvəllər də ediblər bunu. İndi sadəcə siyasi vəziyyətə görə kimlərəsə sərf edir bu durum.

Bir həqiqət də var ki, neft bundan sonra qalxsa belə əvvəlki aktuallıq olmayacaq. Çünki dünya tarixinin bir dövrü daha bitmək üzrədir və biz bu dövrün canlı şahidləri olası olduq. Neft erası bitir. Qalxsa da belədir, qalxmasa da. Daha neftə bel bağlamaq olmaz. Hətta ən böyük neft ölkəsi olan Səudiyyə belə neftsiz gələcək strategiyasını təsdiq etdi və ona böyük pullar ayırdı. Hamısının da məqsədi birdir: “15-20 ilə artıq neft heç kimə lazım olmacaq, bu müddətdə mütləq alternativ qazanc yeri formalaşdırmalıyıq, əks halda batarıq”.
Neft erasının yerini isə yeni era əvəz edir. O era ki, orada artıq karbohidrat yox, yenilənən enerji aktualdır(külək,günəş,su axını və.s.), o era ki, avtomobillər sürətlə əvəz olunacaq elektromobillər ilə.