Android developer

Osminoq

3

(09:28, 17/03/2017 ) #67873

Salam.

Gələcəkdə Azərbaycanda andoid, ios proqramçılara tələbatın artıb-artmayacağı barədə dəqiq bir fikir deyə bilmərəm. Ancaq sualınıza konkret olmasa da abstrakt şəkildə cavab verə bilərəm.

Siz başa düşməlisiz ki, bir proqramçı üçün proqramlaşdırma dili bir alətdir.

Fərz edin ki, bir ev ustasının yalnız bir çəkici var, başqa heç bir aləti yoxdur. Siz ona ev ustası demək düzgün olar?

Bu misal proqramçılar üçün də keçərlidir. Bir proqramlaşdırma dili bilən şəxsi proqramçı hesab etmək düzgün deyil.
Başa düşmək lazımdır ki, əksər proqramlaşdırma dilləri eyni kökdən gəldiyi üçün bir-birlərinin oxşarlarıdır. Yəni siz bir proqramlaşdırma dilini tam biləndən, mənimsəyəndən sonra digər proqramlaşdırma dillərini rahatlıqla öyrənə bilərsiz.

Ümumiyyətlə İT sahəsi çox dəyişkən bir sistemə malikdir, bugün lazım olan texnologiya sabah istifadə olunmur. Ona görə sizə məsləhət görərdim ki, ilk öncə konkret bir proqramlaşdırma dilini öyrənin. Bundan sonra sizin üçün rahat olacaq bazarın nəbzini tutub lazım olan yeni proqramlaşdırma dilini və ya texnologiyanı öyrənmək.