Hazırlayacağım sayt və mobil tətbiqdə satıcılar rəqəmsal məhsullar sataraq qazanc əldə edəcəklər. Tətbiqdə həm abunəlik, həm də təkcə bir dəfəlik satışlar mövcuddur və satıcılar bu satışlardan qazanacaqlar. Əsas hədəf bazarımız Türkiyə olduğuna görə, uyğun ödəniş sistemini seçməkdə çətinlik çəkirəm. Bildiyim qədərilə, Türkiyənin ödəniş sistemləri (məsələn, iyzico) üçün Türk vətəndaşı olmaq tələb olunur. Buna görə də, xaricdə (məsələn, İngiltərədə) şirkət açaraq Stripe vasitəsilə bir dəfəlik rəqəmsal məhsul satışlarını həyata keçirmək istəyirəm.
Mobil tətbiqdə isə gəlirlər əsasən abunəliklərdən formalaşacaq və bu ödənişlər Google Pay və Apple Pay vasitəsilə alınacaq (bu, Apple və Google-un tələbidir). Bu abunəlik sistemləri 30% komissiya alır. Problem isə buradadır ki, toplanan gəlirin bir qismi sonradan satıcılara ödənməlidir. Bu prosesi necə təşkil edə biləcəyimi bilmirəm. Məsələn, Stripe, Google və Apple-dan toplanan gəlirləri Wise hesabına göndərərək oradan köçürmələri həyata keçirmək mümkündürmü? Bunu bilmək istəyirəm.
Alternativ olaraq, yalnız Google və Apple Pay POS sistemini istifadə edərək tətbiq vasitəsilə toplanan gəlirləri Azərbaycan banklarına (məsələn, Birbank Business) köçürmək, daha sonra isə xaricə, yəni Türkiyə satıcılarına göndərmək mümkündürmü? Burada səhv etmirəmsə, 20% gəlir vergisi mövcuddur. Bundan əlavə, köçürmə zamanı hansı komissiyalar tətbiq olunur, onu da bilmirəm.
Belə bir qarışıq vəziyyətdə ən yaxşı yol hansıdır? Başqa hansı alternativləri təklif edə bilərsiniz? Fikirlərinizi bilmək istəyirəm.
Verilmiş cavablar və yazılan şərhlər (1 cavab var)
0
Çətin və çoxşaxəli prosesdir. Mütəxəssislər cəlb edilməlidir, özbaşına həlli müşküldür.
Optimal formula belə ola bilər.
1. Stripe və Atlas ilə birlikdə şirkət yaratmaq, bank hesabı və ödəniş sistemini həll etmək. (atlas elə stripe-a məxsusdur deyə all-in-one amerika şirkəti-hesabı-ödəniş sistemi)
2. Google və Apple ödənişləri də həmin amerikan şirkətinizə asanlıqla bağlamaq.
3. Stripe panelindən bank köçürmələri ilə partnyorlarınızın ödənişlərini köçürmək.
4. Amerikan mühasibat şirkəti filanla anlaşıb bütün illik vergi hesabatlarını həll etmək (bütün göndərilən pulları gəlirdən çıxmaqla və.s.)