30 yaşda sıfırdan ausbildung proqramı ilə gedib əziyyət çəkməyə dəyərmi sizcə? Bitirdikdən sonra “yaxşı olacaq” deyirlər, amma, yenə də qərarsızam. “Socar”-da kurs keçirəm hazırda, böyük ixtisas deyil “qaz təsərrüfatının nəzarətçisi”. Düşünürəm…
Üzvlər üçün giriş
Software Developer - 616 xal
E. Hacı - 610 xal
Onar Alili - 526 xal
Dilsuz - 448 xal
Cabbarov Sübhan - 434 xal
Maqa - 346 xal
Ruslan Butdayev - 328 xal
Namiq Bəndəli - 297 xal
U.Tarlan - 244 xal
Meherremoff - 234 xal
Sistemə daxil olmuş 23348 sualdan 92%-dən çoxu cavablandırılmışdır.
E-Haci.net istehsalı. © 2010-2026
Verilmiş cavablar və yazılan şərhlər (4 cavab var)
0
Yetkin yaşdan sonra köçməyin psixoloji tərəfi çətindir.
Mən 30 yaş sonrası gedən bir çox şəxs tanıyıram. Dözməyib qayıdanlar çox olub, dözərək qalanlar da olub, amma 2-3 il keçib hələ də əzab çəkirlər.
Təbii ki, bir neçə il də keçsə artıq rahatlaşacaqlar, amma bu çox çətin perioddur həqiqətən də.
Sırf iş tərəfini deyirsinizsə, Almaniya iqtisadiyyatı çox genişdir deyə, ixtisaslı kadr hər zaman iş tapar orada. Yəni işin o tərəfində sıxıntı yoxdur, yaxşı olacaq deyənlər düz deyir.
0
İqtisadiyyat tərəfinin yaxşı olması, təklikdə dediyiniz bütün bu əziyyətlərə qatlanmağa dəymir, zənnimcə. Ən önəmlisi, Alman mədəniyyətinə yaxınlıqdır. İnsanların bir-birinin şəxsi sərhədlərinə hörmət etməsi, iş saatları, nizam-intizam, qanunların hamı üçün və sərt olması kimi şeylər diqqətimi çəkir. Sakit həyat tərzi axtararkən, özünü bir anda daha stresli mühitdə tapmaq da var. Elə deyirsən, ingiliscəmi öyrənim oturum oturduğum yerdə 🙂
0
Psixoloji çətin tərəflərini, tərəfinizdən də bilmək istəyərdim. Çox sağ olun!
1
Bu barədə gedənlərlə birbaşa danışmaq daha yaxşı olar.
Yeniyetmə yaşda(bakalavr) gedəndə daha asan olur, təkbaşınasan deyə daha çevik olursan, geridə çox fikrin qalmır, şəxsiyyət kimi orada formalaşırsan deyə 4-5 ilə özünü oraya aid hiss edirsən, nəinki öz vətəninə.
Amma 30 yaş sonrası gedəndə artıq beynimiz öz komfort zonasını, təhlükəsiz hiss etdiyi patternləri formalaşdırıb bitirib deyə köç etdikdən sonra geriyə dönmək üçün min bəhanə uydurur, çünki bu tip kəskin dəyişiklik onun formalaşdırdığı bütün qaydaları-patternləri təhlükə altına atır.
1-2 həftə qaldıqdan sonra “Azərbaycan əslində elə də pis ölkə deyilmiş” fikri hakim olmağa başlayır.
Bir də intellektual səviyyə ilə də korelyasiya var, onu da unutmaq olmaz.
Savad və dünyagörüş, düşüncə dərinliyi az olan insanlarda adaptasiya daha asan olur – çünki onlarda alt şüurda əsas prioritet həyatda qalmaq(=iş tapmaq və yaşamağa yeri olmaq) olur deyə o tələb ödəndikdə digər məsələləri daha asan görməzdən gəlirlər.
Amma hər şeyə daha həssas, daha düşüncəli, dərrakəli yaşayan insanda beyin patternləri də daha dərin olur deyə problem çoxalır. Məsələn, yerli olmadığı, daim 2-ci sort vətəndaş olacağı həqiqəti ona çox pis təsir edir. Vətəninə, yaxın ətrafına bağlı daha dərin mənəvi bağları olur deyə darıxma hissi də daha güclü olur və.s.
Təbii ki, bunlar ümumiləşmiş ortalamalardır, individiual fərqlər hər zaman olur, elə adam var dediyimdən daha ağır keçirir bu prosesi, elə adam da var qat-qat asan keçirir və tez adaptasiya olur yeni cəmiyyətə.
Sual verin
Cavab verin