Salam dostlar.Bir müddətdir üzərində düşündüyüm bir məsələ ilə bağlı məsləhətlərinizə ehtiyyacım var.Mümkünsə orta yaşlı birilərinin fikirlərini dinləmək istərdim.Əvvəlcə özüm haqqda:
Mənim hazırda 24 yaşım var.Universiteti 2 il əvvəl bitirib ardından işləməyə başladım.Baxmayaraq ki, Azərbaycan texniki universitetinin Maşınqayırma fakultəsindən məzunam, son 2-2.5 ili rəqəmsal marketinq sferasında müxtəlif şirkətlərdə (təhsil və maliyyə sektoru) çalışaraq keçirtmişəm.İndi karyeramla bağlı ciddi yol ayrımındayam.Bu yaşdan sonra hansı seçimin mənim üçün daha faydalı ola biləcəyini təxmin etməkdə çətinlik çəkirəm.
Proqramlaşdırma ilə bağlı biliyim məktəb vaxtı öyrəndiyim az miqdarda php kodlamadan ibarətdi.O illərdə artıq proqramlaşdırmanı qavraya bilmədiyimi görüb başqa sahələrə üz tutdum.Ancaq proqramçı olmaq uşağlıq arzum idi.
İndiki vəziyyətdə işdən ayrılıb şəxsi bir biznes qurmaqla proqramlaşdırma öyrənmək arasında seçim etməliyəm.Bu illər ərzində bir az pul yığmışam, indi bilmirəm bu vəsaiti biznesə yoxsa proqramlaşdırma öyrənməyə sərf edim.Hansının daha az riskli olacağını bilmirəm.
Ümid edirəm problemimi izah edə bildim.Sizcə belə vəziyyətdə mən nə etməliyəm və yaşımıda nəzərə alsaq hansı addım daha yerində olardı.
Verilmiş cavablar və yazılan şərhlər (1 cavab var)
2
Mən proqramist, kompüter mühəndisi deyiləm amma 12 il əvvəl universitetə qəbul olanda o sahəni istəsəm də alınmadı məndə də. Sən özün hansını da çox istəyirsənsə onun arxasıyca get deyərdim. Amma bir şeyi yaddan çıxarma ki, biznesdə risk 50/50-dir. İtirməklə qazanmaq ehtimalı eynidir, yəni yarı-yarıya. Fərz etsək ki bizim ölkədə biznes qurmaq o qədər də asan deyil, o zaman təhsilin arxasınca gedərdim mən. Hər şeyin monopoliya olduğu bir yerdə hansı biznesdən söhbət gedə bilər ki? ya çayxana, ya playstation, ya moyka ya da kiçik bir market kimi biznesin ola bilər uzaq başı. O da ya tutar ya da tutmaz. Amma təhsilə qoyulan xərc hec vaxt itmir. Ən yüksək maaş alan ixtisaslardan biri də elə kompüter mühəndisləridir. Əgər yerinə mən olsaydım yığdığım pulu özümə sərf edərdim, daha çox öyrənərdim. Onsuzda o öyrəndiklərin sayəsində sərf etdiyin pulu artıqlaması ilə qaytaracaqsan.
Məsələn bir misal çəkim. Rus dilini bilmədiyim üçün qəşəng maaşlı işi itirmişəm. Halbuki, tələbəçilikdə və yaxud sonra da əlimə düşən pulları boşa xərcləməyib dil öyrənsəydim daha karlı çıxardım.
Yəni sözümün canı odur ki, biznes qursan kiçik biznes qurmalı olacaqsan, böyüdükcə də görünməz bir əl səni geri itələyəcək. Amma öz ağlına yatırım eləsən hər zaman qazanacaqsan. Bəlkə sonra elə öz agentliyini də qura bilərsən.
Yenə də son qərar özünündür. Uğurlar, hər bir işlərində 🙂
Sual verin
Cavab verin